طريقة عمل الدجاج المشوي بالخضار اكثر من رااائع

لتتبيل لكل دجاجة 1 م ك ملح نص م ص من هاي التوابل (بابريكا فلفل اسود شطة سماق ) 2 م ك توابل دجاج مشوي ربع م ص صلصة وبحط م ص خل جوة الجاجة والسر عشان تطلع الجاجة متبلة منيح انو نفصل الجلد عن اللحم بتمسكوا الجاجة من اول الصدر مش من عند الرقبة لا الجهة التانية وبتبدوا تفتحوها بشويش عشان ما يتمزع الجلد ونبدا ندخل التتبيلة تحت الجلد عاللحمة وهيك لما تستوي بتكون اللحمة منظرها وطعمها روعة هلقيت نجي للحشوة حبة بصل مقطعة جوانح بنقليها لحتى يصير البصل شفاف ما بنستويه كتير وبنتبله (ملح فلفل اسود سماق توابل دجاج مشوي وشوية توابل شاورما)بنحشي الجاجة وبنروح للخضار (بطاطا بصل بندورة فلفل زهرة جزر) بقطعهم وبتبلهم توابل دجاج وفلفل اسود وبابريكا ما بحط ملح لانو بينزل عليهم من ملح الجاجة هيك خلصنا كل الخطوات بجيب الكيس وبحط اول شي الخضرة وبعدها الجاجة وبنحاول تكون الجاجة فوق وما تغطيها الخضرة عشان تتحمر منيح وعفرن حامي ساعة ونص تقريبا عشان ترتاحو من قصة الملح ودايما يكون مظبوط فالاكلة م ك هرمية لجاجة وزنها 2 كيلو وانتو بتصيروا تقدروا ازا الجاجة اكبر او اصغر