طريقة عمل البروستيد بطريقة المطاعم +سر الشيف

المقادير:

1-نص كيلو طحين 
2-م ك بابريكا
3- م ك بصل بودرة
4- م ص تومة بودرة
5- م ص زنجبيل بودرة
6- ملح وفلفل اسود
7- مكعب ماجي

طريقة التحضير:

 بنخلطهم منيح وبعدها رح نضيف مية حتى يصير معنا المزيج متل مزيج الكيك مش سميك ولا خفيف وبنحطهم فيهم الجاج لمدة 3 ساعات او اكتر وبعدها رح نعفر الجاج بالطحين بدون الضغط عليه حتى ياخد شكل حلو وعالقلي ع طول يعني مرحلة الطحين رح تكون والزيت حامي كل حبة بنحطها ف الطحين وع الزيت مباشرة ع نار حامية اول 5 دقايق ما تحركوها خلي الشكل يثبت وبتقرمش طعمها رااائع جدا ومقرمشة جدا اكييد رح تحبوا الوصفة 

سر الشيف 

سر نجاح هاي الوصفة في قوام العجينة والاهم كمان عملية القلي بحيث كل حبة بتعمليها تحطيها ف الزيت اول شي الزيت حامي جدا وممنوع التحريك حتى تمسك العجينه وتصير مقرمشة بعد هيك بنوطي الغاز للوسط حتى تستوي الحبات .